昨晚, 婉禧希望我和爸爸陪她一起渡過 9 歲, 慶祝正式雙位數 10歲生日, 結果捱到晚上 12 點, 我和爸爸齊聲說生日快樂便倒頭入睡. 今早十點, 先在漁人碼頭『雙式冰室』食完早餐, 然後與婉禧前往 15A 座樓下, 答應 Suki 一起去睇樓, 她買了 11 樓 F 室單位, 今早她們去度尺寸, 同行者有 Suki、Peter、天藍、周生、周太、Suki 姑媽、中原 Sales-Ray, 個景觀好靚, 是內園境, 可以由窗口望到我家的客廳, 窗的方向是東南位及西南位, 雖然價錢較昂貴, HKD408 萬, 但業主在 2003 年買入時全屋重新裝修, 兩房變一房, 開放式廚房, 用料不錯, 保養亦好好, 所以臨走時都同 Suki 講, 今次沒有買錯樓, 可以放心了.
爸爸在我們去睇樓時, 他往東海堂取生日蛋糕, 我們睇完樓後回家切蛋糕, 然後 12 點幾出發往長洲, 先坐 8P到尖沙咀乘船往中環, 然後坐 1點船往長洲, 囡囡問點解唔坐高速船? 慢船普通位票價是 HK16.8(大人) HKD8.2(小童), 但高速船票價是 HK32.2(大人) HKD16.1(小童), 因為同時間開船, 所以我話不要太浪費喇, 用了 50 分鐘時間, 約 2 點到達.
嘩! 人山人海, 原來長洲開始慶祝天后誕 (正日是下星期), 看見有很多舞獅, 到處都佈滿了人群觀看, 水洩不通, 好不熱鬧, 我們租了 3 架單車 HKD120/3架, 晚上 7 時前交車, 因為我不太熟練, 他們遷就我, 先在公園繞了數圈, 然後才向碼頭進發. 實在太多人, 又多單車, 我坐在一旁攤抖, 爸爸陪囡囡到處去, 5 點鐘左右, 下著毛毛細雨, 於是我們交還單車, 還以為太早去食晚飯, 但海鮮檔已到處爆滿, 結果又去回上次的海鮮檔 (海龍王), 叫了個 4人套餐, 6 餸 1 湯, 全部都是大家最鍾意的餸: 芝士焗龍蝦、豉椒炒蟶子、咖哩炒蟹、椒鹽瀨尿蝦、豉汁蒸倉魚、清炒唐生菜、豆腐海鮮湯, 盛惠 HKD620. 6 點 45 分食完便趕往碼頭坐 7 點船, 點知宣佈慢船改為開 7 點半, 但高速船開 7 點, 所以回程無奈地坐高速船, 用了 30 分鐘時間, 約 7 點 40 分到達中環, 8 點 15 分便回到家中.
回家的途中她仍然情緒高漲, 本來想去紅磡食甜品, 因為下著毛毛雨而取消, 回家食雪糕, 相信她今天非常開心地渡過了一個難忘的 10歲生日. 晚上 10 點半, 又話肚餓, 要爸爸煮了個杯麵, 有無攪錯呀咁鬼大食 ! 食窮我地喇 ......
沒有留言:
張貼留言