第一次買早餐

每逢星期二放學後, 囡囡都會自行往返補習社, 昨天, 我給她一個任務, 叫她回程時去餅店買早餐, 起初她有點擔心不能升任, 我給了她信心 – 想食什麼便買回來, 要買三餐份量, 最重要是睇清楚食用到期日, 一定要買雞蛋糕, 因為大家都愛吃, 兼食用日期會較長, 臨行前給了她一百元.

六點多電話嚮起, 對話如下 :

囡 : 媽媽, 我買了雞蛋糕、熱狗飽、菠蘿飽、Pizza 飽、車輪飽, 不過全部都係明天到期喎.

我 : 咁唔好買車輪飽啦 ! 因為份量太多, 食唔哂架 !

囡 : 但係爸爸最鍾意食車輪飽喎 ! 有提子飽喎 ! 媽媽, 我想買光酥餅、合桃酥、……

我 : 妳自己決定啦.

囡囡第一次獨自拿咁多錢去買東西, 還要是幫家人辦事, 結果她拿著一大袋食物回家, 我嚇了一跳, 內有 : 雞蛋糕 (1個) 、 熱狗飽 (1) 、 菠蘿飽 (1) 、 Pizza 飽 (1)、車輪飽 (1條) 、方飽四片、馬仔 (1包) 、光酥餅 (1)、合桃酥 (1)、麻香餅(6 片) 、雞蛋餅(1包) 總費 $82.50. 咁多點食呀 ? 囡囡說買了四餐份量, 加上食用日期有數天的, 唔多喇, 爸爸鍾意食馬仔, 媽媽鍾意食合桃酥、雞蛋 …… 她感覺到我責怪她, 還說此乃她的第一次, 於是我連聲向她道謝 + 唔該哂 + 辛苦哂 ……

平時一家人早餐食量是 5 片方飽, 結果今早我先食了數片車輪飽, 未到中午食了 Pizza 飽, 下午茶時段又食了數片車輪飽, 餘下二片真的再食不下, 而家睇見個盤還有一大盤飽, 真的有點兒想反胃 …… 囡囡第一次買早餐的經歷, 真的令我難忘 J!