專制和管教嚴

今早與 Sabrina 食早午餐時既對話 :

我 : 妳覺唔得 Yanamami 專制和管教嚴 ?

Sabrina : 吓, 見過幾次面, 妳叫我點下評論 ? ( 醒, 沒有盲目跟從 ^^ ), 不過妳對我都好嚴架 :p.

我 : 我舉個例, Yanamami 唔比 Yasmeen 開 FB.

Sabrina : 咁佢地又開 FB ? 點解呀 ?

我 : 擔心佢沉迷玩 GAMES.

Sabrina : Yasmeen 會玩 GAMES 嗎 ? 唔多似喎 ~~

我 : 只准她與熟朋友對話!

Sabrina : 打電話咪得囉 !

我 : 咁妳又走去開 FB ?

Sabrina : 咁咪要打好多個電話囉, 話題又要重重複複, 而家我 D FB GAMES 妳玩哂喇, 仲名列前矛, 我唔需要再諗(擔心), 我而家上 FB 都係有時間先上, 多數都係將自己鍾意 D 歌擺上去連結.

我 : 不如我唔比妳再上 FB 和打機, 因為姨姨們話我放縱妳.

Sabrina : 硬係唔得啦, 我都無沉迷, 唔通日日只係讀書, 溫習, 讀書, 溫習 … 點得架無誤樂. mabelma D 仔女都經常駁佢咀啦.

我 : 咁如果妳都無沉迷而我仍然禁止妳上, 代表什麼 ?

Sabrina : 專制囉 !

我 : HAHA 成功引導 ~~~

Sabrina : 個個同學都會上 FB, 打機, 睇電視, 我都係想要知多少少, 同佢地有話題溝通下.

我 : 電視妳都無睇, 點溝通 ? ( 上一級同學經常討論電視劇情 )

Sabrina : 可以睇預告片或報紙上既預告劇情.

我 : Yasmeen 好鍾意睇英文書, Yanamami想 Yasmeen 多睇中文書, 以後要佢睇一本英文書, 一本中文書, 如此類推 ……, 我都想用呢個方法呀 ( 奸笑 ).

Sabrina : 咁我連中文書都唔睇喇, 點可能咁樣做架.

我 : 妳覺得點樣先合理 ?

Sabrina : 睇一本中文書, 睇一頁英文書.

我 : 唔合比例, 再講吓.

Sabrina : 咁 ! 三本中文, 一本英文啦 !

我 : OK !! DEAL !! HAHA !再次成功引導 ~~~ Yanamami 又話只限比 Yasmeen 和 Yana 玩BARBIE 公仔, 可以互動.

Sabrina : 唔係化 ! OUT 哂喇, 而家仲有人玩 ?

Sabrina : 點解妳呢幾日經常問呢類(教養)問題 ?

我 : 無, 我地幾個姨姨係樹討論教養自己個小孩, 於是我將百份之九十的內容講比佢聽, 當她聽了 ChiChiPaPa 既回應 ……

Sabrina : ChiChiPaPa叻喎, 只有一段說話就能將各人的教法都變為無錯. 阿媽妳既回應好有 point 呀, 佢地有無 O 咀.

我 : 討論既目的係各自表達意見, 點解要人 O 咀 ?

Sabrina : 妳以前讀書有無參加過辯論 ?

我 : 無呀 !! 妳阿媽我以前個外表都無人相信我鍾意運動架, 年年興趣班報打羽毛球/跳繩, 老師都唔比, 話我個樣唔似, 派我入去圖書館做糾察, 激死我.

………………………………………………………………………………

返學校吹笛.

**其實我想表達, 只要灌輸正確既觀念, 小朋友係會明白的. 我亦相信步入反叛期, Sabrina 會似我一樣, 唔會有太大的反叛情緒出現, 因為反叛係將心中壓抑已久的不滿表達出來.