長笛六級考試成績

阿囡今次可以用絕地反擊來形容長笛成績,

Grade 2 : 2007 May ~ 102 分 ( 100 分合格 )

Grade 4 : 2008 Apr ~ 101 分

五級樂理: 2008 Oct ~ 31 分 ( 66 分合格 )

五級樂理: 2009 Jun ~ 67 分

Grade 7 : 2010 Apr ~ 96 分

Grade 8 : 2010 Oct ~ 90 分

Grade 6 : 2012 Nov ~ 127 分 (Merit)

多年來小學階段學長笛目的只為了符合學校一人一樂器要求, 後期更期望考取八級有助升學…因根基沒有打好, 心態不正確, 導致合格無望, 再加上 P.5 留班, 只好暫停長笛考試, 專心應付呈分試. 當升中 Banding 有定案, 為考試而考試的壓力無哂, 但唔練習的陋習仍然無改變, 我唯有約法三章(當時態度係兇佢), 如果今次再唔合格（因為佢唔練習）, 即 cut, 唔准再學, 第時想學自己付費. 就算合格而只有 10X 分亦對唔住多年來悉心教導的長笛老師和Suki 表姐 (伴奏 + 教 Aural). 每個星期除了去表姐家學Aural 和夾琴一小時, 便只有每星期上 30 分鐘私人課, 有時阿 Sir 有事唔上 ( 暑假停了3次), 阿囡測驗考試唔上 … 每月總會缺課最少一次,表姐暑期亦回老家(加拿大6個星期 + 其他原因 …), 唔練習情況依舊.

因為已約法三章, 偶然只哦她幾句, 心想唔練一定唔合格, 到時塵埃落定, 選擇由她, 後果自負.

11月7號早上考九點正, 她七點起床練習, 我因為要返工, 沒有陪去, 地點與2010年八級試一樣, 深水埗西九龍中心青苗琴行, 上次遇上隔壁店舖裝修, 今次一切正常, 比原定時間早到 25分鐘, 考官提早7分鐘考, 我建議先吹歌後考Aural, 因為她吹歌信心大D, 先給評判好印象, 幸好策略成功, 考試過程約 25 分鐘, 表姐先Whatsapp 我報喜, A歌及B歌都發揮得好好, 往後 Keep 住此狀態應該無問題, 不會只有合格這麼低分. 阿囡考完出來對今次都滿有信心, 應該一定合格, 仲同表姐講明年繼續考試, 向八級挑戰 >.< .

12月14號收到信件, 我等阿囡放學回家後自己拆信, 她露出滿意笑容, 我看見分數比她還要開心, 她說如果八級同樣有此分數就會真係好開心. 友人覺得可惜, 話考官點解 Scales 比得咁緊,我反而覺得合理, 沒有付出而最 Distinction, 反而會令她驕傲, 日後更加不會練笛, 以為自己真係天才…

八級不是容易應付的, 期望學習長笛不是為考試而考試, 希望培養出興趣, 再次返樂團, 享受當中樂趣, 阿囡努力 + 加油!