繼續放手

開學已個多月, 囡囡在學校的小息時間較多與舊同學一起渡過, 始終是一起共同渡過五年的同學 + 好朋友. 囡囡說年齡只相差一歲, 但各方面都與現時班中同學有代溝, 她說同學看不明白 MSN 上的符號 eg: 88=bye bye, 55=唔唔 (回應語) …… ; 亦看不明白一些英文縮寫 eg: bf = best friend, fb = facebook; 他們在家中很少用電腦, 做功課除外 ; 亦很少看電視, 他們很少談論明星或流行歌手 ; 性格比較乖巧. 我說可能 P.5家長管教比較嚴, 不似媽媽我咁放手, 給妳咁多自由.

囡囡在學校只做圖書館領袖生, 課外活動已完全沒有參予, 連她最愛的羽毛球班和學校團契都不參加, 她說擔心會分心, 和擔心時間不足夠應付學業, 不過至今她幾乎每天都在學校完成所有功課.

囡囡和另一留班同學, 每日都會利用一個小息時間去了找社工郭 Sir, 除了她們二人, 另外還有數個同學, 他們聚在一起什麼都會談論的, 有時郭 Sir 會討論當日發生的時事, 問各人的睇法, 我說妳真幸運, 每天都有通識課上.

開學至今, 我未曾問過妳做完功課未 ? 溫習完未 ? …… 因為妳每天放學回家, 第一時間便報告妳在學校已做完所有功課, 或是只剩下一些需要用電腦的功課未做. 然後妳食完小點後便馬上入房, 練長笛, 溫習, 然後妳又出來報告, 已溫熟中/英文默書, 又說還備了課 …… 有一天, 妳拿來一本英文科學課本, 叫我考考妳, 我問此科有測驗嗎 ? 妳說沒有, 只是想早一點溫習, 因為此科需要記的課文和生字較多, 到考試時才溫便趕不及的. 我反問, 如果考試不是考此課, 豈不是會白費心機嗎 ? 妳說唔會架, 就算唔考, 讀熟都對自己有益處的 ! 我真的很感動, 我還以為今年不能繼續如以往般可以放手, 結果 …… 我最後都是選擇放手, 因為囡囡已知道學生應有的本份和責任.