選校新體會

暑假還有一個月便結束. 另一場重要既仗亦隨之而來, 囡囡現在每天都享受著暑期自由自在既生活 ……

今日, 打開Facebook 收到囡囡既(Manton)表哥短訊, 他考入了入理工大學 - 他夢寐以求既室內設計 ! 真的戟佢開心呀 J. 記起表哥中學就讀觀塘區一所Band 2B 男校中學, 中五因唔夠分升中六, 他選擇在原校重讀一年, 翌年原校升上中六. 今年六月三十日高考放榜, 知道他的成績入讀大學機會非常渺茫, 他一心報讀副學士 …… 所以當收到理工取錄, 相信連他自己都無法相信, 感覺如同在夢中, 不過呢個係美夢 ^^, 正如他在fb 所說: 我要喊呀!!! ….. 我知真係有好多人幫我祈禱lor ~

思緒又重回囡囡P.5 第三學段……2 月 28 日, 囡囡不太開心地告知中/英/數新組別是 3/4/3, 眾留班生中她是最差的一個. 她一心數學科有機會去第二組, 但卻事與願違 …… 我安慰她, 表面上組別是代表了成績在某個範圍內, 但卻可以憑努力去改變事實的. 既然中文和英文科已知道弱項在閱讀理解上, 只要多做練習, 一定可以拿多幾分的.

事實証明, 憑努力可改變事實 …… 嚟緊, 將要為囡囡選擇合適的中學 …… 何為合適的中學 ?

~ 因應囡囡的成績而去選校嗎?

九龍城區BAND 1頭學校, 要求英文/數學要有85分以上, 咁囡囡係咪沒有希望呢? 但今年入讀華英/迦密宣小學生, 有部份英文平均分都只有 “7” 字頭, 咁 …… 如果用成績85分以上去做定位, 會讓囡囡失去一個機會……

~ 因應學校係咪好谷而去選校嗎?  

囡囡從來都是自動自覺類型, 在多年來, 我對她的教導, 去年是最輕鬆的一年. 還以為會因她留班而需要時刻提醒她用功溫習 …… 結果她讓我知道對她要信任和放心 …… 我一直都希望囡囡成長階段是開心愉快的, 特別是讀書求學階段 ……過去一年多次問囡囡, 如有機會讀Band 1 頭的中學, 有信心能應付到繁重既學業嗎? 學校催谷既手法接受嗎? 她說: 有信心 …… 因為眾人都說宣小好谷, 但她仍然感覺好輕鬆 ……

看見她逐漸獨立, 成熟 ….. 我決定將升中選校交回給囡囡, 幫她搜集資料後, 由她自己決定自己的命運和路向. 雖然我了解囡囡, 但相信最了解自己莫過於她本人. 我要從一而終的讓她自由選擇, 不做她的操控者.