前晚(星期六)回娘家食飯時, 膽粗粗應承阿媽, 下星期六返去同佢剪頭髮. 我對”手作仔”事情, 一向採取信心爆棚的心態. 深信只要”的”起心肝去研究一番, 學幾下… 一定能做到 ( 好唔好係另一回事). 當晚我問阿媽, 妳肯唔肯比個頭我較飛? 妳對我有信心嗎? 阿媽用她對我充滿信心既眼神回答: 無問題 !!
阿媽就是如此對我200% 信任, 她一向身體力行的教導模式, 讓我將此教學模式套在阿囡身上.
p.s. 媽媽今年82歲, 行動不便, 記憶力出現衰退, 擔心她會迷路, 為了將迷路風險減至最低, 我要學剪頭髮. 教會外展有一組導師, 每月第一個星期二, 開放給街外人前往剪頭髮, 65 歲以上長者免費, 65 歲以下亦只收 $10 元一次. 她介紹了剪髮器型號: 日立 CL-8230B , 佐敦批發賣$380.
沒有留言:
張貼留言