老人癡呆症_珍惜眼前人

今早與三哥去睇曾醫生, 開了一個月藥, 可以停止食咗 10 幾年果 2種抑鬱藥, 上月已經其中一種藥隔日食, 今次全停,呢幾日媽媽會出現發忟憎, 如果情況持續超過5日便需要去醫生處再攞藥.



醫生話而家食藥最多可以延長 2-3 年唔惡化, 但叫我地有心理準備, 媽媽記憶會逐漸失去, 而家留存在她腦內的記憶, 全屬於過去不能忘懷的過去,
上星期六便提及她10幾~20幾歲讀書的回憶, 她說在領南中學讀到中三, 之後去了鑽石山東方學校讀助產護, 因為學校遷往廣州,
她獨自去廣州繼續課程, 但讀了一個學期便回港, 因為捱唔到孤身一人. 她提及讀助產護呢部份, 家人都沒有聽過…..其實是真是假對我沒有關係,
難得的是媽媽仍然有閒情對我訴說她的過去.

然後又指著櫃門, 問我識唔識織呢個花? (媽媽係織冷衫高手), 我話唔識, 她說小時候有好幾年同姨媽依靠織冷衫過活 (當時是香港淪陷三年零八個月黑暗日子), 她呢段記憶我從小已聽, 她每次織冷衫比我地就會講.

醫生安慰我, 媽媽自理能力會隨記憶力失去而下降, 有時會說出一些令人傷心的說話, 她自己唔會知道的 …… 到時進入老人院便是最好時機, 因為到時她唔知身處何方, 沒有記憶, 沒有傷痛 :’( :’( :’( :’( :’(

媽媽 – 我愛妳呀!! 我真係好愛妳呀 !!!!!