信仰研討班

七月份終於轉兼職，但日子比全職忙碌兼勞累，正如朋友講：『妳喺轉咗兼職，但家務呢份工，妳又返回全職囉！』>.<　做家務時腦海不停轉動，如果有透明隔塵網，又能夠易除易掛於窗上、美觀、耐用、透風、易洗、防蚊、防小強、防盜...能夠發明兼攞版權...仲係商機...哈哈！每逢遇上沉悶而又不能逃避既工作時，我就開始造夢去...

轉兼職最大主因，有一半既星期六不用再輪更至晚上九時，有一半既星期日不用輪更至下午五時...還有，我部署多時──星期日帶老公返教會，係一齊返，一齊走，一齊午飯...

今日終於帶老公返教會，不是返崇拜，而係上一連四堂的『信仰研討班』。過往無法將聖經的真理為他扎根，只限於身軀在崇拜會堂內，心靈卻在會堂外，盼望聖靈動工，進入他的心靈深處，不只在頭腦的認知，而係嘗試接觸。都係個句：『謀事在人，成事在天！』

『你們祈求，就給你們；尋找，就尋見；叩門，就給你們開門。 8 因為凡祈求的，就得著；尋找的，就尋見；叩門的，就給他開門。』馬太福音7:7-8