放棄! 還是 ......

在我的字典裡從來沒有『放棄』二個字，任何事情未到終結，都永不言敗，但今次。。。我不懂如何決定。。。

囡囡下星期六便要考五級樂理，自今年初因為要參加 60 屆校際比賽，4 月份又要考長笛四級試，所以2月份找回前任鋼琴老師，替她做伴奏老師，順便每次加 15 分鐘學樂理，當 4 月份考完長笛試便正式每堂 45 分鐘學樂理， 7 月中因為去了加拿大便停了個半月，囡囡每次都沒有將樂理功課完成，有時還以不懂得做為理由唔做。。。上星期，她終於同我講沒有興趣學五級樂理，點解考六級長笛試要 pass 五級樂理。。。她說興趣是畫畫/打羽毛球和游水，希望將來能做畫畫老師，希望打羽毛球能夠有份參加學屆比賽，游水希望能入泳隊，但又擔心太辛苦而未能堅持，好矛盾。。。

原本還有兩堂樂理要上，我今天打電話問琴老師，上埋兩堂，囡囡合格既機會率是多少？她回答是 10%。。。唉！我唯有通知餘下兩堂先取消，等囡囡想清楚是否願意繼續學才再找她，下一次考試時間是明年二月份，囡囡，妳的意願是什麼？放棄？還是決心學習？