第一次呈分試成績

今日最後覆卷, 成績進步左好多, 正如友人話齋 , 唔需要理會份卷深或淺, 只要比較上次有進步就要開心和滿足, 寄望嚟緊餘下二次, 大家都更上一層樓.

囡囡既弱項終於有轉機, 中文閱讀理解, 曾經只有 1/20 分, 今次竟然取得滿分 XD; 英文閱讀理解, 曾經只有 8/20 分, 今次有 14.5/20 分. 比較三科主科亦有明顯進步, 張成績表終於可以見得人喇 :

第一學段中文 ( B ) , 英文 ( C ), 數學 ( C );

第二學段中文 ( B ) , 英文 ( C ), 數學 ( B );

第三學段中文 ( A ) , 英文 ( B ), 數學 ( B )

雖然 9 月份才知道是 band 1 ? 還是 band 2 ? 不過以咁既分數, 就算係 band 2 都見得下人 ( 安慰自己 )  >.< , 多謝學校給予囡囡重讀的機會, 讓她重拾自信, 繼續努力, 向著標杆直跑.

其實最開心, 過往放手的我, 今年更是 98% 放手, 望見囡囡自律/自理/自學 …… 不斷地提升, 我的教導又可能輕省一點, 各位, 盡情放暑假喇喂 ^^ !!

感謝神 !! 將榮耀全歸給祢 !

** 唔知道係 BK 內既 "X" 神秘人會唔會睇到我呢一篇網誌? 在此衷心多謝 "X" 神秘人, 學校老師們和一班時刻鼓勵我的好友/網友/補習老師/Suki 表姐/教會眾弟兄姊妹 (排名不分先後).