解決在公立醫院因延期無藥食的問題 !

自今年初, 媽媽睇糖尿病由私人醫生轉了公立醫院後, 今日是第三次去覆診見醫生 + 取藥 ( 不計早前有二次見糖尿科主任 + 三次抽血 + 一次驗眼 ).

每次見醫生 + 取藥, 真的少點忍耐力都會令人暴跳如雷 ...... 媽媽已是 81 歲高齡, 行動不便, 由她家中步行往醫院, 後生仔只需要 5 分鐘的路程, 她便要花上 35 分鐘, 加上一條長長的大斜路 + 10 數級樓梯, 真的苦不堪言, 試了二次後, 我決定以後由我家坐的士順便接她一齊往醫院.

昨晚掛起 3 號風球, 擔心今日掛 8 號或黑雨, 門診服務便要取消, 咁媽媽便沒有藥食, 除了天有不測之風雲, 媽媽覆診當日如果生病亦要改期, 所以今日決心要想一個完善的辦法.

3:00 pm 我從家中坐的士出發

3:35 pm 到達醫院

3:40 pm 入紙排隊看醫生

3:45 pm 磅重 + 量血壓

4:40 pm 進入醫生房, 對話如下 :

我 : 醫生, 好彩今日沒有掛 8 號風球, 否則媽媽就無得睇醫生 ! 請問藥物數量可唔可以開多幾日 ?

醫生 : 望住姑娘要她解答.

姑娘 : 醫管局有指引, 唔可以開多架 ! 否則病人唔覺意食多左就敝喇 !

我 : 醫生每次開 12 個星期藥, 如果要食多, 都要埋尾先知啦, 配藥亦都有機會數少啦 …… 醫生呀 ! 好彩今日非 8 號風球或黑雨, 如果媽媽病了都不能逾期覆診喎 ???

姑娘 : 可以打電話預約改期.

我 : 都無解決無藥食的問題.

醫生 : (非常英明地 + 有智慧地回答) : 我明白哂, 開多一個星期藥給你媽媽.

我 : 醫生你實在太好喇 !

4:53 pm 將藥方放入櫃檯, 輪候號碼是 #609 , 當時可取藥號碼是 #511 .

6:30 pm 終於到我地喇, 但發現醫生同我講減藥的資料不同 …… 又要再等. 真係忍唔住問個配藥哥哥, 其實藥物可以最遲取走 ? 配藥哥哥話未入藥方要四日內到取, 如已入藥方 ( 即已付款 ) 可於七日內到取. Yeah !! 醫生開多了一星期藥, 下次可以安排翌日才去取藥, 唔使老人家喪等數小時 ^^.

** 係等藥過程中, 教了坐在身邊的老人家, 以後要多取一個星期藥, 以防萬一. 而當時我的聲量不細, 希望有唔少人能收到我想傳遞的訊息.

6:40 pm 真係可以離開醫院

7:00 pm 等到的士送媽媽回家喇, 半日就如此地渡過 =.=