電影分享-早熟

3 月 22 號，下午去了掃墓，晚上全體到了爺爺家中食飯，飯後趕回家看 TVB 電影 – 早熟，早幾晚預告片一出時，囡囡已問她可否看此電影，我雖然未曾看過，但略知內容，亦希望大家睇完後可以有所分享，所以答應了，是一部年青人的寫實片。結局看似大團圓，但我卻認應為是另一個家庭誕生的開始。。。。。。

因為結束時間是晚上十一點半，囡囡已進入催眠狀態，草草與她傾了如下對話：

我：套戲好睇嗎？

囡：好睇呀！

我：妳覺得戲中若男的父母做得正確嗎？

囡：個爸爸做得不對！

我：點解呀？

囡：因為若男所學的事都不是出於自願的。

我：嗯！咁妳爸爸媽媽好嗎？

囡：好呀！

我：點解呀？

囡：因為妳地沒有迫我學這學那，全部都係因為我想學而去學的。

我：咁若男和家富又有沒有做錯呀？

囡：當然有喇，佢地發生性行為呀？

我：點解唔可以呢？

囡：佢地咁細個，又未結婚，所以唔得囉。

我：咁成套戲個個都做錯囉？

囡：係呀！唔通我講錯嗎？我唔知道喇，妳話比我知。。。。。。已進入夢鄉。

因為囡囡下個月才9歲，我沒有期望她會完全理解劇情，只想了解囡囡的思想及她對事情的理解程度，只要沒有理解錯便可以喇，我時刻都提醒自己，在她未進入反判期時，仍然會與我分享她的內心世界時，盡量將我所知道的，明白的通通同佢傾，目的是希望她日後能行一條正確的路。