青沙公路

因為流感關係，囡囡不能回校學長笛，加上 4 月 24 號要考長笛試，於是約了阿 Sir今早前往他家中補鍾，他家住大埔黃宜坳村，我們從未聽聞過的地方，閒時亦很少去咁遠的地方。老公亦趁假期試下自己揸車前往，順便當作遊車河，昨晚他已背熟車圖，由九龍塘入獅子山隧道，阿 Sir 已提醒出了吐露港公路在大埔廣福邨回旋處入元州仔段，切勿駛往粉嶺方向，今早出發時加埋 GPS 導航系統，很順利地到達目的地。

但回程時卻迷了路，看見一條出九龍（西）/荃灣的高速公路，順理成章地駛入，出口竟然是油麻地！沿途讚嘆高速公路很新，很宏偉，很有外國的感覺，只有數輛汽車經過，還自責自己的見識淺薄，香港有咁好的高速公路。。。。。。晚上睇報紙，發現今天途經的高速公路原來是“青沙公路”，昨晨 3 月 21 號七點啟用，而我們在誤打誤撞的情況有幸地駛經該處，真係有緣呀！

http://www.info.gov.hk/gia/general/200803/18/P200803180172.htm

或瀏覽運輸署網頁http://www.td.gov.hk/transport_in_hong_kong/index_tc.htm，查閱更詳盡的路線圖。