家父安息禮拜

1 月 19 日是我和老公的結婚週年記念日，亦是家父舉喪的日子，所以今年取消慶祝。家父是基督徒，所以採用基督教儀式進行，感覺場面比較輕鬆，很多年沒有見面的親友亦有參加安息禮拜，亦師亦友的舊上司，舊同事送上花圈，教會的牧師，傳導人，姊妹亦有前來慰問，真的很感動。

囡囡由懂事以來第一次出席喪禮，途經紅磡區，看見很多殯儀的店舖，好奇地到處張望，問東問西，還幫趁該處的廁所，在廁所裡，我問佢驚唔驚呢類地方，她反問我為何要驚？我話此處有很多靈介類的物體到處游走 ~~~，她亦有點兒害怕，但拍了拍心口，同我講：『我們所信的上帝是最勁的，無有怕呀！』果然是我的女兒，食咗豹子膽，哈哈！

囡囡對死亡不是太害怕，公公去世後，我哭了數次，她都會安慰我，同我講：『公公好幸福呀！可以上天堂！』我曾問她，如果媽媽離開世界，妳會好似我一樣大哭嗎？她回答：『我會傷心一陣子，因為妳會上天堂，將來大家又會再見面的，不過，如果大家是同年同日死就最好喇！』

今天是家父的大殮禮拜，遇著囡囡數學測驗，問佢補測好唔好，佢話只有一個人補測會好寂寞的（我估她數學一向唔好，擔心老師在補測時段特別留意她。）於是爸爸在 9：30 am 去接她離校，參加今天的儀式。