長笛老師和媽媽都嬲了!

今天是學校的樂團面試日, 囡囡面試時間被安排在早上 8:30~8:45, 結果 9:10 才出來, 她預備了七級考試歌, 吹了約 3/4 首曲, 面試老師是高管蔡 Sir 和中管單 Sir, 囡囡說希望能夠入高管, 面試結果 5 月底前通知.

之後便上私人樂器班, 平時上半小時, 今次原定上一小時, 但不足一小時囡囡便收笛. 囡囡在家中練習時總是坐在床上, 而每次上課都是站著的, 當她覺得雙脚疲倦時便會出現企唔定, 表情亦不太好看. 考試歌 A1 屬於慢歌, 囡囡每次都是急速吹奏, 表現是希望盡快吹完, 阿 Sir 已講了多次不能用此態度去吹奏的, 到了另外二首快歌, 囡囡亦同樣加速吹奏, 其中有4 粒音阿 Sir 要求修正, 囡囡除了吹此 4 粒音外, 還繼續吹奏, 表現極不合作, 我看見已按著怒火出了班房抖抖氣. 回來後情況沒有改善, 還餘下 10 分鐘時間, 囡囡可能以為是上 45 分鐘, 加上課室內有 2 位學生 + 一位家長在等候, 她竟然收笛落堂. 於是阿 Sir 同囡囡講, 指正她的錯處目的只是希望她考試能拿取高分, 亦希望她能考試合格, 不用浪費媽媽的金錢. 下星期六要打學屆羽毛球, 將會停課一次, 阿 Sir 同囡囡講, 要她好好想清楚學長笛是出於自願還是媽媽強迫的, 如果覺得阿 Sir 教得唔好, 亦可以轉換老師 ! 囡囡低頭不語, 我真的不好意思, 因為阿 Sir 從不發脾氣, 他有一名女兒, 細囡囡八個月, 視囡囡如女兒般看待, 今次竟然被囡囡激親 ! 希望阿 Sir 大人有大量, 唔好咁嬲 !

回家途中當然向囡囡訓話, 對她說任何時候都要尊師重道, 不是學校的老師才要尊重, 只要是教導者便要尊重的. 我亦說, 4月16號的考試如果唔想去可以唔去, 長笛唔想學亦可以, 但要對自己所行的事負上責任. 由於我太激氣, 結果早餐和午餐齊齊無得食 …… 下午清潔家居時, 亦沒有打掃她的房間, 實行用行動表現我對她的不滿.