記起小時候, 每年最怕便是放暑假, 特別是小學的暑假 …… 父母不太准許我出街玩, 最多只能約鄰居在走廊跑跑跳跳, 要限時回家. 有時會去鄰居家中賺外快 (車公仔衫/穿珠仔/穿膠花 ……), 或在家中幫二家姐砌原子粒, 甚至幫媽媽剪線頭 (媽媽在家中車衣的) …… 當時天天都期望能早點開學, 送走沉悶的假期.
中學後最愛放暑假, 因為可以去工廠做暑期工 (當然未夠年齡打工的, 要經常走鬼呢!), 中四既暑假去了社區中心做義工, 還認識了一班教友, 從此連假期都忙碌起來……
數十年後的今日, 沉悶的暑假又再出現, 原來囡囡提早長大成人喇 …… 她返學放學已經獨自處理, 星期二/三/五, 學校暑期班放學後便獨自坐巴士去畫苑附近食午餐, 仍舊會比原定時間早了一小時到畫苑, 她會做功課/睇書…… 然後又會遲半小時至一小時才離開, 之後又獨自坐車回家.
晚飯閒談時, 我話不用擔心她升中後她獨自返學, 因為今個暑假已實習了六個星期. 甚至我話她每天既行程好似返工, 早出晚歸 ……
我都要係時候為我既未來打算一下, 否則不只是暑期才感覺沉悶, 而係每天都會悶死喇 !!
孩子漸大，常常不在家，父母要面對這段「空巢期」也不容易。真要好好計劃如何過日子。上興趣班、做運動、做義工、工作......或者生多個？
回覆刪除如果有好的安排，日子一樣過得精采！
[版主回覆08/22/2011 18:02:00]囡囡 K3 時我才轉做全職家庭主婦 , 過往曾是工作狂的我 , 足足用了 9 個月時間來調節和適應 .
如果囡囡升中後可以再次重拾工作 , 我會選擇工作 , 但年齡 + 學歷 + 行業好似已經沒有太多可供選擇 …… 有感百般滋味在心頭呀 L
我距離你這階段不遠了。每一天我都像在倒數，還有多少年，我和小朋友能緊密地相處。
回覆刪除雖然孩子能獨立，青春期仍不能離開太遠。我知道有些小學時乖乖女，上了中學變成另一個人，最後媽媽放棄工作才有番個女兒。所以，或者做兼職或義工好了。
[版主回覆08/23/2011 12:33:00]囡囡已進入青春期, 反叛期早於年多前已開始, 很多時小朋友在家裡和學校都會出現兩個樣, 感恩從親友/學校老師/教會導師得知, 她在言行上都有良好的品行, 在家中亦會幫忙做家務 ...... 希望能繼續順利過度升中.