將來既職業

上星期睇完『變形金剛3 』, 而今晚剛睇完『功夫熊貓2』, 始終都係第一集好睇過續集 …… 今年暑假既『家庭樂』完結喇, 因為老公下星期又要出差喇, 回來時亦差不多開學.

中午食飯時, 同囡囡講開如果爸爸媽媽能夠年輕幾歲時生囡囡就好喇, 咁我地可以提早幾年享福, 講講吓話題又扯到囡囡將來既職業, 我話囡囡一向都話要做設計師, 可以向目標而行 ……. 老公問囡囡, 有無想過做醫生 ? 我話唔好喇, 做醫生要讀多幾年書, 唔係人人都能夠承受讀醫既壓力, 未做得成醫生除時變了病人, 唔好攪 …… 我話做律師都唔錯呀, 可以幫D窮人打官司, 收佢地平D…. 囡囡話唔想同壞人打官司, 我話唔好接壞人訂單咪得囉, 佢話如果唔接壞人既訂單, 邊夠錢同窮人打官司 …... 我話不如做翻譯, 佢話好呀, 鐘意翻譯日文 ……囡囡又話想做作家, 我話唔知將來既言論是否自由…… 其實我無需要擔心, 因為一年前既囡囡腦內只有設計師, 見阿女對答時不用時間思考, 原來呢一年多左咁多未來既職業, 她已經時刻思想未來 !

其實將來的職業多數都會改變, 只要她知道學業和理想不能分割, 我就開心喇!! 人有時沒有方向, 會混混噩噩過日子的, 囡囡, 就向妳定下既理想和目標出發, 努力 + 加油 !!