新年新景象

囡囡昨天第一日返學, 前晚卻肚痾, 十一點多才瞓覺, 以為她要告假一天, 點知一早聽到鬧鐘嚮便自動起床, 還微笑地同我講早晨, 果然是新年新景象, 囡囡新年願望是我可以每天早上陪她落樓等校車, 我以為小朋友長大會不喜歡看見家長在身邊/校園出現, 但囡囡卻 ......   , 唔通係反效果

昨日放學回來, 見她好疲倦, 功課未做完, 還要趕上樂理班, 結果六點多才能坐定做功課, 食飯時又覺唔舒服, 仲食到嘔 ...... 又以為她今天真的不能返學, 結果今早又龍精虎猛地彈起床返學, 看見她書枱的白板黏/寫滿很多提示字句, 都是幾時要交 PROJECT, 幾時要交閱讀報告, 幾時默書 ...... , 真係大個女喇, 以前是我寫的, 現在全是自動波, 書枱上放了一本 STORY BOOK, 以為她漏帶, 佢話 2 月 16 號英文要 QUIZ, 溫定先, 嘩 ! 表現好理想, 希望能持之以恆 !