初中選校

昨晚與爺爺家族往藍田某酒家慶祝爺爺生日+冬至。家族人數合共 17 人，其中有 6 個小朋友仍然在就學階段：大表姐（因轉校重讀大一），大表哥（重讀中五），堂哥（小六），囡囡（小四），堂弟（小二及K3）。

昨晚的話題是堂哥升中問題，堂哥年年中、英、數成績理想，平均分接近 9 字頭，但視覺藝術及音樂卻唔及格，因而他只可以選擇 BAND ONE 尾至 BAND TWO 頭的中學。大家聽完都覺得有點可惜，大伯父為了選學校問題開始頭痛。我同囡囡講，堂哥主科咁好，入 BAND ONE 學校都有危機，叫囡囡要加油。

問囡囡想唔想入協恩（其實機會率好低，只是給她一個目標），佢話睇下先，最好就唔好（因為囡囡喜歡理科，協恩理科成績較弱），唉！如果能夠入到已經係奇蹟，仲話要睇下先 。

上星期五開始考試，從表面來看，我真的看不見她有溫習，可能。。。又係秘密溫習  。。。都係順其自然喇，入到太勁既好學校，成績追唔上又係痛苦的。。。我相信上帝會帶領她前面所行的每一步，正如囡囡由Nursery 到小學，都經歷奇妙的安排。