My best friend - Jonathan Leung

始終都係 Jonathan 係我最好的朋友 , 在未出世前, Mummy 和 Aunt Emily 已是好朋友, 所以 ......  . 從 N1-K3 大家都同讀一間學校, 雖然只是 N1 同班, 但仍然每天都能見面. 原本小學都應該同校的, 但最終你都沒有選擇入讀宣小, 現時在沙田馬鞍山讀英基國際小學, 知道你在學內有愉快的生活我亦好開心! 你小小年紀已有超卓的音樂成就, 真的令我們讚嘆不矣 ! 上星期五 Aunt Emily 同  Mummy 講你已考取了小提琴及大提琴五級, 鋼琴亦已考取了三級成績, 真的很利害呀 !

我經常同 Mummy 講很掛念你, 在上星期五我們見面後, 非常開心 Mummy 和 Aunt Emily 決定我們一齊學習畫畫, 大家又可以每個星期六見面喇 ! 期待此刻的來臨, 亦期望我倆友誼永固 !

 

P.2 上學期測驗成績分

唔知道係咪長洲的海鮮唔乾淨 , 昨天 Mummy 拉肚子六次, 我拉肚子一次 + 嘔了二次, Daddy 好少少, 只拉肚子一次. 今天我已康復, Mummy只拉肚子二次, 而 Daddy 無端端患上感冒, 希望他們早日康復 !

測驗成績分已出了, 不是太理想, 不過在患病中亦未至於"肥佬"已是萬幸喇 ! 真的很感激雙親沒有責備我, 多謝他們令我在愉快中學習 .

~ 中文科: 81 分

~ 英文科: 71 分

~ 數學科: 79 分

晚上係 “English Excel” 上完個英文 course, 外籍老師 ( Ms Price ) 寫了以下評語 : Sabrina is doing very well with her reading. I think that maybe she could benefit from moving to a higher level class as her improvement is good and she is at a higher level now than the boys. Lovely girl to teach, very hard working and willing to help the others.

所以我會轉高一級, 與二年級和四年級的同學一起上課. 總算沒有白費時間和心機,我曾經同 Mummy 講, 希望能學好及會說流利的英語, 我會繼續努力的

長洲一天遊

一連五天的測驗都在耳痛=外耳炎中渡過, Mummy 答應過在最後一天測驗完結後當日去冒險樂園玩. 我最愛是"打保齡球"和玩"碰碰車", 由我駕駛碰碰車, Mummy 做乘客, 我不知道何解會懂得控制"碰碰車"的方向, 因為 Mummy 至今亦未學會呢 . 但 Daddy 話真正駕駛車輛的技巧不是這樣的, 我有點失望, 但我有信心長大後駕駛車輛是一件容易的事情.

自從上次去完大嶼山後, 已計劃在 10 月 30 號重陽節公眾假期當日去長洲踏單車和食海鮮. 今早八時鬧鐘一響,我便立即起床梳洗, 然後叫醒爸,媽起床. 我們去了黃埔"美心快餐"食早餐, 最後飲水時, 一不小心整杯水打翻在身上, 弄濕了半條褲, 唯有回家更換衣服. 由於錯過了尖沙咀十時開往長洲的船, 只好改為由尖沙咀坐船到中環, 再由中環坐船去長洲, 船程大約 45 分鐘. 到步後我們再坐 10 分鐘街島船往"張保仔洞"參觀, Daddy 話張保仔是一名海盜, 百幾年前曾將很多金銀珠寶藏在洞中, 我們決定出發去尋寶. 嘩 ! 條路好高好斜, 行了很久才到達. 看見有一個小哥哥在洞 口前向遊人出租電筒, HKD5.00/支. Daddy 和 Mummy 視察過洞口很狹窄, 不容易進去, 打算只在洞口前影張相片當作到此一遊, 但我又怎會錯過此大好機會呢! 話唔定裡面有好多好多金銀珠寶呀, 加上好奇心驅使下, 真的想看看洞內的情況, 一來又可以留念, 二來長大後, 可以同其他人講我曾經進入過此洞. HeHe, 原來Daddy 和 Mummy 從未入過去的, 而 Mummy 更是第一次來此洞, 咁難得的機會, 於是三個人決定租了一支電筒一齊入去 ...... 好黑呀 ...... 幸好有條鐵梯扶手 ...... 裡面都幾乾爽 ...... 依 ...... 點解無金銀珠寶架? ...... 好窄呀 ...... 好焗呀 ...... 好熱呀 ...... 出洞口前只有足夠一個大人的身位闊度, 如果 Daddy 再增磅便無法穿過. 整個行程雖然只有短短數分鐘, 但我已經歷了人生第一個探險旅程. 出洞口後, 小哥哥取回電筒再租給其他人, 不過有一個笑話, 小哥哥話出洞口時會有其他人收回電筒的, 原來呢個其他人又係佢呢

到了下午二時, 我非常心急及期待盡快去踏單車, 但我們先要去醫肚子. 三時才去租單車, 費用是 HK25.00/三小時, Daddy 好利害, 還價 HK20.00/三小時. 我們很開心和興奮地踏了二小時, 然後去了海灘走了走, 六時去食海鮮, 因為不知道那一間才美味 ? 我們選了近碼頭的一間, 感覺大嶼山的海鮮好味一點, 但我仍吃得很飽. 一切都不重要, 因為 ...... 可以一家人去玩樂是多麼美好啊 !

我們坐七時半的船離開長洲, 九時半才回到家, 你們估吓第一時間我會做什麼 ? 叫 Mummy 煮了一個出前一丁杯麵給我食, 好好味呀 ( 我一次食杯麵咋 ) ! 十時洗澡後 Mummy 又幫我按摩雙腳, 因為實在太疲累喇 !

樂極生悲的一天

上星期六 ( 9/9 ) Daddy 當晚要坐夜機出 Trip去 L.A. , 晚上一家人去了黃埔“元氣”食壽司. Daddy 當晚答應出 Trip 回來的星期日去沙田踏單車.

今早 6:45 am 已醒來, 問 Mummy 今天是否真的可以去踏單車 ? 她說 OK ! 不過而家太早, 九點才起床吧 ! 但我已瞓唔著, 躺在床上靜靜等候九點的來臨. 終於九點喇 ! 我們先去 ”大家樂”食早餐, 可能太興奮, 只食了半份早餐後已吃不下餘下的.

我們搭火車到達大圍已經 11: 30a m. Daddy, Mummy 已有 10 多年未去過此處租單車, 落車後發現租單車的地方已是面目全非 L , 他們到處尋找一個大圍單車公園, 原來此地方已於 2001 年關閉. 我們必須進入單車徑, 沿途是à沙田à馬料水à吐露港à大埔. 租單車的哥哥話我們不可能完成整個行程. 因為今天都幾晒, 加上我是剛剛學會踏單車. Daddy帶頭, 我在中間, Mummy尾隨. 最後, 我們竟然戰勝一切, 沿途風景優美, 空氣清新, 用了二個多小時完成.  Mummy覺得好疲倦, 打算在大埔交還單車 ! 但我和Daddy 都想再次回頭返大圍才交車. 於是在回程時先在途中的 “香港科學園” 內之”大家樂”食午餐.

其實沿途都有幾處危險地, 特別是有二條隧道位, 內有一條長長的斜坡路. 可能因為在去程時大家都能順利通過, 引致我沒有危機感. 加上好勝的我, 沒有將 Daddy, Mummy 的勸告放在心上. 或許 Mummy 講得啱, 我很像她, 每樣事都希望自己去經歷後領悟真理/道理. 回程時由我帶頭 ( Mummy 講過唔好, 但我堅持 ), Daddy在中間, Mummy尾隨. 先經過大埔第一條隧道位, 順利完成, 預備準入第二條隧道位, 就在落斜位, 我開始失去平衡, 切線去了對頭線, 單車先撞落牆壁, 然後右邊頭部/面部和膝蓋繼而著地, 我捲曲身體, 因為右膝蓋好痛, 右邊口角好痛, 我感覺右邊門牙應該崩了 ( 之前左邊門牙游水時亦撞崩了少許 ), Oh ! 係恆齒來的呢 ! 

我聽見 Mummy 大聲叫喚 ! 實在太痛了, 亦終於知道什麼是驚恐! 我哭了出來,  Daddy, Mummy 立時抬我在一旁, 用冰水洗去面上的血和凝固口唇上的血, 清洗膝蓋上的傷口, 我仍然不停哭, 擔心有事, 問了幾次 Mummy 係咪真架 ?  我係咪真係發生意外 ? 門牙崩了點算 ?  他們沒有責備我的自負, 話牙齒可以修補 ( 原來姨媽一對門牙都係假的呢! ), 面部有疤痕第時可以整容改善, 而最重要是沒有生命危險. Mummy 緊握我雙手為我祈禱, 求神舒緩我的痛楚, 不會有任何內傷發生, 鎮靜大家的心. 我心情得到平靜. 多謝 Mummy 的禱告 J

因為我們仍然處於隧道內的危險位, 一定要先盡快離開此處. 我坐在單車上, Daddy 推我去隧道口, 另一宗意外亦在此時發生, 在面前的隧道口有一位約四歲的小女孩同樣因失平衡衝去牆壁, 他們是一家四口, 好彩小女孩不是太傷 ! Mummy 負責將兩部單車輪流推往隧道出口. 幸好當時不是有太多單車在隧道內, 否則後果真的不敢想像. Daddy 建議截的士先去大先交車, 然後再送我往醫院驗傷. 但我知道只是皮外傷, 亦覺得入醫院只是發生嚴重意外才需要去. 所以堅持回家便可以了. 等了 15-20 分鐘, 才看見一輪的士, 是一個好仁慈的伯伯, 他好好人, 叫我不要哭, 因車尾箱無法放下三輛單車, Daddy將最細的單車放在後坐位便解決了.

 回到家中, Mummy 用冰墊替我右邊面/唇和膝蓋消腫. 此時覺得頭部好痛, Mummy 摸了一下, 嚇了一跳, 因為起了一個乒乓球的大瘤, Daddy, Mummy 決定送我入急証室, 還 call 埋家庭醫生 - 林醫生, 如果我需要留院, 林醫生會去法國醫院應診. 林醫生話細路仔跌親如果沒有出現暈倒, 嘔吐等現象, 便不用太擔心. 佢地都係緊張大師, 加上好疼鍚我, 最終都係送我入法國醫院急証室. 頭部和膝蓋各影了2張 X 光 --- 好彩無裂痕, 大家又可以安心回家了, 不過今天花了不少費用, 合共 $1,700.00 ( 租單車 $40/每輛 , 食午餐和買水 $102, 的士費 $120 + $70, X 光費 $920, 醫生費 $180, 藥物費 $190/特強起療妥一支 + 36 粒必理痛 ).

晚上九點入房睡覺, 但決定明天不返學喇 ! 因為膝頭痛, 上唔到四樓班房! 塊面損了好醜怪 ! 明天音樂堂要吹長笛, 個咀都腫左, 吹唔到喇  Mummy 問我還敢唔敢再去沙田單車徑踏單車 ? 我話唔敢喇 ! 因為條隧道好斜. Mummy 話去到隧道口可以落地推的. 都係既, 我咁有冒險精神, 過一段時間我又唔記得架喇 ! 臨瞓前, 我同Mummy 講 : 唔使再擔心我, 我只是皮外傷而已

大嶼山梅窩渡假

Hi Hi  今天是我第一次寫網誌 ! 希望能在此分享我的點滴 ! 我係 Sabrina, 但寫網誌咁艱鉅的事當然由我媽媽 Terry 代筆啦 ! 希望終有一天大家會看到我親手寫的網誌啦 ^0^.

去年 K3 畢業, Daddy 和 Mummy 帶我去了加拿大旅行, 這是我人生中第一次坐飛機. 今年 P1 暑假, 原本打算再次坐飛機出外旅行, 結果因為 Daddy 要出 trip, 而我又要返暑期班, 加上出外旅行花費好大, 結果 … 我們一家人在 8/28–8/30 去了大嶼山梅窩銀礦灣酒店渡假 , 其實目的都是希望一家人齊齊整整地一起, 所以去任何地方對我來講真的沒有多大分別呢 !

8/28 號, Daddy 早上 8 點從美國回港, 8:30 am 回到家中放下行李, Mammy 立即幫忙洗了兩機衫, 10:30 am便起程往中環坐船到梅窩. 去到酒店剛好是 12:00 pm, 到達房間後立即放下行李後去食午餐. 下午去了沙灘玩, Daddy 因為時差關係, 需要好好在沙灘上小睡, 此次是我第一次去沙灘游水, 可惜水質一般, 只在水中游了很短時間, 多數在沙灘上玩泥灘, 玩到忘形時, 發現新買的 “Chinamoroll” 水波不知所蹤 ? 真的好唔開心  到處找亦不見蹤影. 於是同 Mammy去了拾貝殼. 哈! 有生物呀 – 係寄蟹呀! Daddy 瞓醒同我去買雪條食, 食得興起時, 竟然落起大雨, Daddy, Mummy 將沙灘蓆作為雨具, 非常狼狽 …   又遺失埋個 “Chinamoroll” 水泡, 點解會咁架 ? 是全新的, 大家在沙灘上到處找尋 …. 可惜 ! 晚上去了食海鮮, 估唔到咁美味啊  !

8/29 號, 坐大嶼山 #1巴士去大澳, 看見有二百多年歷史的棚屋, 還品嚐出名的山水豆腐花, 豆漿等美食. 嘩 ! D 咸魚, 蝦乾, 蝦漿價錢平宜, 但害怕酒店住客投訴, 只好等下次吧! 我們乘船出海遊覽水鄉棚屋區, 沿岸奇可區, 將軍石 … 等. 我們非常好運, 看見數隻中華白海豚跳出水中, 真的好難得啊 ! **原來 Daddy 好怕坐快艇的, 他全身彊硬地握緊扶手, 沒有離開坐位; 反而 Mammy 好厲害, 她拿著相機離開坐位拍照留念 ! 下午返回梅窩, Daddy, Mammy 租了一架兩輪單車給我 , 係第一次坐兩輪單車, 我在 30 分鐘便開始掌握到如何平衡身體, 一小時後我終於學識喇 ! 真係估唔到呢個旅行有如此良機 ! 晚上繼續食美味的海鮮 !  昨晚天氣不太好, 看不見 , 今晚, 終於第一次看見佈滿 的夜空, 之前 Mammy 成日同我講佢細時見過好多 , 今晚, 她過去的回憶又現眼前 ^0^ , yeah ! 世界真的好美麗呀 !

8/30 號, 今天要 check out 喇! 但我還想踏多次單車, 而租單車伯伯 11:15 am 才開鋪, Daddy 同酒店姐姐要求 1:30 pm 才 check out, 姐姐好好人答應了. 12:50 pm 大家坐船離開梅窩回家.

雖然只有三日二夜的旅程, 但已覺得快樂無比, Daddy 話日後再有假期, 可以去下長洲食海鮮, 去下大圍踏單車 …. 希望夢想早點來臨 … 求天父 …. 阿門 !