支持母校, 爭取應有權用 !!

http://hk.apple.nextmedia.com/news/art/20130609/18290632

位於九龍塘的傳統名校拔萃小學，50多年前以一元租借費向地政總署租借學校對出的球場，學生可輕輕鬆鬆上體育課，但與拔萃為鄰的另一名校九龍塘宣道小學，卻因校內沒有球場及多次向拔萃商討租借球場不果，小學生被迫要步行10多分鐘到九龍仔公園上體育課。宣道小學家長向本報投訴拔萃小學自私，違反地契限制，每逢周日將球場變身成停車場，也拒絕借給其他鄰近學生使用，有關家長已去信申訴專員公署指拔萃違規。
記者：陳達浩　黃偉民　梁美寶

阿囡第一次出風癩

大家既寶貝有沒有出風癩的經驗?

 

昨晚阿囡臨瞓前話比蚊咬, 好痕癢...我只叫佢塗點膏便瞓覺. 凌晨 3:40 左右高呼阿媽, 以為她發惡夢 ... 她說全身痕癢, 好可怕呀! 我一看便知道係老公的家族遺傳-風癩, 不過都係第一次親眼看見那麼多, 整個背瘠及pat pat
位腫起多塊大如拳頭的風癩, 外表都幾可怕! 叫醒老公問佢意見, 睇吓要唔要去醫院睇急症 ? 他望完笑笑口話: 女麻女麻同爸爸既風癩傳咗比妳? 然後又入房倒頭大睡~.~

 

我立即上網搵料同打電話去加拿大問家姐, 了解什麼是風癩及嚴重性,
她說會自然散去, 可以不用看醫生, 我安心不少 !! 上星期日晚回家, 落車後有2隻狗衝埋去阿囡到, 她嚇到心都甩, 回家後即嘔... 昨晚食完飯, 途經天橋底有架電單車突然閃出, 她又被嚇親, 回家已頻說身痕, 究竟嘔吐和風癩能否與嚇親扯上關係?

 

中午同教友傾開, 有位姊妹非常有心得地同我講, 下次可以用片糖水沫身止痕癢, 她還發現每日既潮汐均是風癩痕癢的高峰期, 於是上網翻查今日的潮汐時間: 凌晨 03:48 漲潮, 好準喎 !!

 

今日去了藥房買了治敏感藥, 希望今晚風癩從此遠離阿囡....

新挑戰

阿囡自從考完第三次呈分試後, 上網煲劇情況開始失控, 越煲越夜, 要返學的日子煲到十一點, 假日就十二點, 放復活節就凌晨, 最高紀錄凌晨四點 @@, 我和老公已用盡方法, 軟硬兼施, 屢勸無效, 起初用影響學業為理由, 但唔見有影響 =.= . 而家係擔心影響健康. 如果學校老師見到我呢篇網誌, 唔該幫忙教育她.

 

我和老公唔想阿囡整個復活節假期整天坐在電腦前, 出盡方法, 同意她4/02 放學後與同學去街; 同意她4/03 約了另一批同學去打保齡球; 4/04 下午約爺爺飲茶; 4/06 下午去尖沙咀 Shopping (行到腳抽筋); 4/07 下午同阿囡去會所游水 (我已經三年多無去過游水); 4/08 阿囡洗禮; 4/09 和 4/10 下午同阿囡去會所游水; 同意她 4/11 去同學家中聚會; 4/12 我們同阿囡慶祝生日; 同意她 4/13 去同學家中 BBQ ……

 

處於新世代的環境下, 怎樣才能取得平衡而不起衝突? 對我來說是一個新挑戰, 正在摸索中……

利誘^^

近來流行 WhatsApp Messenger, 因為我部數百元的手機沒有上網功能, 日日幾乎飛線回家, 然後關機, 所以從沒留意此玩意. 而囡囡手機亦只是用儲值咭, 因與好同學不同台, 已經常問可唔可以轉台 …… 我的答案係 “No”.

 

晚上同爺爺家族食團年飯, 講開此問題, 我才知道她的手機可以透過 Wifi 上網, 但不能裝 WhatsApp Messenger. 於是我便對囡囡說: 不如咁啦, 如果第三次呈分試可以保持在 Band 1 內, 我送妳一部可以裝WhatsApp Messenger 功能的手機. 她不相信我的要求只是如此簡單, 我說是真的, 她要我重複講一次, 並即時電話錄音. 我補充多一句, 若失敗, 要倒頭送給我一部手機, 她雖然有點猶豫, 但最終都答應了, 亦表現得胸有成竹. Good ^^ 我最想便是看見妳滿臉自信的樣子, 囡囡, 加油呀, 妳一定得 !

 

** 4 月份出排名, 亦是她的生日月份, 更加是她受浸的大日子, 呢份禮物, 沒有呈分試的因素亦會送上 ^^

行維園年宵市場

在囡囡的記憶中, 今晚第一次同她去維園行年宵, 過往只係去過觀塘花市數次. 我怕人多, 更怕迫, 平時少去人多車多的地方. 想起她年幼時, 行花市不夠半小時便說要抱, 未夠九點半又說要瞓覺, 遇上下雨, 真的寧願留在家中最舒服. 今年囡囡的高度已與我相若, 亦加入了夜鬼行列, 決定一家人去維園, 增加多點回憶.

 

晚上八點半在家中食完飯便去坐隧巴, 天氣都幾凍 ( 16度, 發出了寒冷天氣警告, 氣溫將會跌至最低 9度 ), 一落車便下著毛毛細雨, 但沒有帶雨傘, 我和囡囡慣用的方法只有一種, 祈禱是也, 通常都成功的, 今次亦不例外 ^^. 感恩 !

 

踏入維園已是九點三, 先行乾貨區, 雖然人山人海, 阿囡未經歷過人貼人的地步,感覺好新鮮、開心和好玩. 因為是一年一次, 我都會接受 + 忍耐令人頭昏腦脹的地方. 在乾貨區花了十元, 阿囡買了一個日本御守福袋. 之後行花市, 沒有人山人海的場景, 反而覺得舒服無比. 十點半便離開, 相信只有我們一家如此快來快去, 因為我們志在到此一遊, 所以已感覺盡興.

在此向各位提早拜年, 祝大家身體健康! 如意吉祥 ! 事事如意! 主恩常在!

健康院檢查

上月28號, 去了一年一度既牙科保健, 從來沒有蛀牙的記錄, 抵讚. 可惜政府牙科保健在升中後便沒有了.

 

昨日, 去了健康院, 家長和學生各做問卷一份, 之後拿去計分後入姑娘房, 兩母女份問卷接近 100 分, 即代表我們過去能和諧相處, 少紛爭, 姑娘稱讚囡囡後, 說囡囡在問卷中, 只有一點不滿意我, 便是覺得我常責罵她, 有時覺得不太理解她. 姑娘問我點解會時常責罵阿囡, 我話因她沒有時間觀念, 要我催促多次, 結果要鬧才會行動. 阿囡就話今日臨出門去健康院時我都鬧她, 但我們仍是早到 10 分鐘. 姑娘先同我講, 阿囡已達到可以管理自己的年齡, 不太接受常哦的父母, 叫我放手讓她自己去管理和安排. 之後, 姑娘同阿囡解釋父母的擔憂和緊張, 然後用了差不多 20分鐘去解釋時間既重要, 遲到的後果 …… 最後姑娘問阿囡還有其他對媽媽不滿嗎 ? 阿囡話有, 不過唔敢講. 姑娘話係咪覺得她比媽媽還要長氣 ? 哈哈, 阿囡點頭稱是. 不過我都好認真地問阿囡, 有就要講清楚喇, 她對我笑著說沒有喇 ^^.

 

之後在九龍城買了六個橙、 4大個紫蕃薯, 準備週日煮她最愛食既蕃薯湯丸糖水, 全程由阿囡幫我拿回家. 我們還買了兩底雞蛋仔即食, 阿囡還建議行服裝店 …….

 

後記, 我估阿囡雖然覺得我煩, 但經過剛才既經驗, 亦不及健康院既姑娘 “煩” 和 “長氣” …… 哈哈.

壞電腦入正軌

囡囡自從第一學段考完試後, 便再次沉迷玩電腦, 足有個半月之久, 直到上月底死機後…… @@

早於十二月中, 她常投訴電腦開機出現緩慢, 每次我和老公總會說, 日打夜打, 機唔壞人都會死啦, 又話佢部機九成九中毒. 聖誕節假期還打機過凌晨, 話唔聽, 於是我下了命令, 放完假後要收機, 因為今年的第二學段考試在 2月 16號起, 亦是第三次呈分試, 必須全力以赴.

12月30號出現開唔到機, 找了 Peter 幫手睇機, 他說中毒機會好大, 研究完後發現Hard disk 有部份壞死, 亦無法做Back up. 無機玩但又未放完假, 囡囡搵Net Book 頂癮, 1 月 2 號最後一日假期都唔放過, 第一次連早午餐都唔去食, 話唔肚餓, 從她出生以來, 出現了第一次兩公婆去食飯, 阿囡已步入青春期, 我們要學習適應. 當日晚飯後又入房作最後衝刺, 十點半聽到她將 Net Book 放回入盒內的聲音, 總算是個遵守諾言的人.

因為電腦仍然在保養期內, 昨天老公便送去原廠維修部, 職員第一句便問他, 有無做Back up ? (遺憾是沒有) 繼而叫老公親手按機內的 “復原” 制, 因為無法修復! 職員示意留下電腦, 還說好大機會需要更換新Hard disk, 傍晚便收到手機短訊, 可隨時回去取機. 囡囡對電腦內的圖片及資料無哂, 心中感到很可惜, 但不敢表露, 還對我們說 Sorry, 可能她覺得好大事件, 加上又要爸爸為此事奔波.

我小時候亦沉迷打機, 從打數字怪獸機年代開始 ( 此機可以當計算機用 ), 曾經連續打上七小時, 晚飯都唔食, 直到打爆機才心息. 所以對於囡囡的沉迷我完全明白和理解, 人總有為某事/某人/某物著迷, 但要學識隨時抽身/抽離, 希望阿囡能盡早學會.

假期後返學已第三日, 看見她已投入學校生活, 適應能力算強, 安心 !

聖誕節目

昨日是電影節, 早上在家中播了套 DVD “東京鐵塔”, 很感人…… 然後去戲院睇 “花鼠明星俱樂部3”, 晚上再安坐家中一邊吃湯圓, 一邊看明珠台 “職業特工隊 II”. 早於上星期日晚已看了 “職業特工隊 I”, 囡囡除了愛看卡通片外, 亦開始看西片, 以前從不看哈利波特、魔戒、…… 現在亦會追看.

 

今日去了灣仔行大眾書展, 以為沒有收穫, 準備去完洗手間便離開, 看見一個電腦軟件檔在眼前, 還發現囡囡一直渴望已久的電腦繪畫板, 於是將我的聖誕禮物轉移給囡囡, Kanvus Life H85 http://tw.kanvus-global.com/main/prod_in.aspx?mnuid=1558&modid=27&pcid=141&ifid=71&prodid=425&flag=1  , 大家又高高興興地回家, 囡囡從小愛繪畫, 特別迷上利用電腦去處理圖像效果, 小小的電腦繪畫板, 希望能將她的夢想又踏前一步.

聖誕快樂

剛才去紅磡買聖誕禮物給 Sabrina, 買完先知憑當日單一發票滿 $300 (現金付款除外) 可抽獎. 因為還打算買衫, 睇左好耐只有一件衫啱心水 $294. 最後多買一件外套, 總銀碼 $9xx. 但外套因拉練有問題, 又沒有多一件存貨, 於是決定前往最近尖沙咀舖取貨. 
 

排隊等抽獎, 才看清楚憑單一發票滿 $300 可抽獎一次, $600 抽二次, 因為我是單一發票, 只能抽二次. 個SALES 沒有提我 =.=

大獎係黃埔 “奇趣天地” $100 現金券, 我抽到黃埔嘉禾FREE 一張戲票 + 一個 iPhone 4 case. 因為已安排明天睇 “花鼠3”, 可以慳回 $65... 正開心之際, 覺得幾好運. 才醒起剛才買衫忘記 Show 會員咭呀 (有九折)..... HAHHA...人生就是這樣, 所失去的, 上帝會用另一樣填補, 真的人算不如天算, 祝大家聖誕快樂 !

豐富的早餐

囡囡每朝6:45 起床, 匆忙梳洗後便趕往樓下搭校車, 拿著麵包違例在校車內進食. 而我每朝6:20起床安排囡囡的午膳給她帶回校. 過往放學回家她即時要進食下午茶餐.

囡囡進入青春期, 對體重外表開始有要求, 近來早餐只食一半, 午餐又食剩, 下午茶餐又可有可無…… 上次 (已多次) 看醫生被勸告早餐要食得豐富+有營養, 否則影響腦部發育, 思考能力亦會下跌 …… 等.

於是由星期一起, 我要求囡囡6:30am起床, 預留10~15分鐘在家食早餐, 我將煮午餐的時間改為煮早餐, 包括: 菜(時菜/蕃茄) + 碎肉 (牛/豬) 配通粉/米粉/米線, 煎蛋+火腿/煙肉…… 等等. 呢四日來好開胃, 可能有新鮮感, 餐餐都食清. 而午飯改為預定學校飯盒, 可以減輕書包重量, 見佢呢幾日回家時亦沒有以往既疲倦.

希望今次在飲食習慣上的少少轉變, 讓她更健康, 可以應付每天的學校生活.

開學喇!

8/29 囡囡作最後衝刺, 凌晨一點才瞓. 8/30回校出席糾察訓練日, 當晚接近十二點才瞓. 昨晚未夠十一點便趕囡囡入房瞓. 佢話呢個暑期由7/18 至8/31, 實際只有 (8/29 和8/31) 二日假期, 我反駁: 最敝由6月中對卷後已自動開始放了暑假一個月 :p

佢又話, 今年暑假無睇過電視劇, 因為覺得電視劇好無聊, 我又好衰地駁佢 : 本來係值得讚, 不過妳轉為睇網上日/韓劇, 仲衰呀! 電視劇只睇一小時, 上網煲劇係一日囉 =.=

今日新學期第一日返學, 十點半便放學, 未夠十一點便回到家中.

今年中/英/數組別係 2/4A/3, 中文科是張老師, 用普通話上堂; 英文科是 Ms Wong ; 數學科是李老師 (小二時既數學老師), 全部都係囡囡最愛的老師 ^^ !

雖然英文科仍然是第四組, 但第四組是小班教學, 『正』呀 ^^, 加上『暑期英文加強班』都係 Ms Wong 教, 某程度上係可以更加了解囡囡的弱點, 今日 Ms Wong還送了三本英文圖書給囡囡 ( 佢個班合共4人, 全是第四組學生 ).

 

最沉悶的暑假

記起小時候, 每年最怕便是放暑假, 特別是小學的暑假 …… 父母不太准許我出街玩, 最多只能約鄰居在走廊跑跑跳跳, 要限時回家. 有時會去鄰居家中賺外快 (車公仔衫/穿珠仔/穿膠花 ……), 或在家中幫二家姐砌原子粒, 甚至幫媽媽剪線頭 (媽媽在家中車衣的) …… 當時天天都期望能早點開學, 送走沉悶的假期.

中學後最愛放暑假, 因為可以去工廠做暑期工 (當然未夠年齡打工的, 要經常走鬼呢!), 中四既暑假去了社區中心做義工, 還認識了一班教友, 從此連假期都忙碌起來……

數十年後的今日, 沉悶的暑假又再出現, 原來囡囡提早長大成人喇 …… 她返學放學已經獨自處理, 星期二/三/五, 學校暑期班放學後便獨自坐巴士去畫苑附近食午餐, 仍舊會比原定時間早了一小時到畫苑, 她會做功課/睇書…… 然後又會遲半小時至一小時才離開, 之後又獨自坐車回家.

晚飯閒談時, 我話不用擔心她升中後她獨自返學, 因為今個暑假已實習了六個星期. 甚至我話她每天既行程好似返工, 早出晚歸 ……

我都要係時候為我既未來打算一下, 否則不只是暑期才感覺沉悶, 而係每天都會悶死喇 !!

iPod

囡囡鐘意聽歌, 早在兩年前已想買 MP3, 但我說太貴, 未有合適的條件可以交換 …… 去年呈分試前, 爸爸同佢講:『我有一部 iPod 珍藏版』, 無論外型、功能、價值……都好過MP3, 條件係考好呈分試. 結果上個月囡囡終於得到爸爸係2007年已買下的iPod, 因為好少用, 如果唔睇購買日期真係以為剛剛買的.

囡囡過去一個月, 一有時間便對著電腦, 煲劇/打機/自學新軟件(Photo impact …… ), 直至早兩天才記起部iPod, 爸爸話 :『要先裝iTunes, 然後儲存D歌入電腦 ..…. 之後再過落部 iPod ……. 』

我都未聽得明之際, 囡囡已經在網上搵到iTunes軟件, 得到爸爸批准然後在網上下載軟件. 過了無耐, 爸爸問囡囡進度如何? 需唔需要幫手? 之後就聽到爸爸自言自語: 『嘩! 係咩細路嚟架? 都未教下一步, 就已經識得將歌儲存在電腦內!』

囡囡, 唔通注定妳將來要食呢行飯 (同電腦有關) ?