很久都沒有寫網誌喇, 因為這幾個月都懶惰, 令媽媽很不開心, 二年級還有幾天便完結喇, 時間過得很快, 下學期成績不太滿意, 特別是數學退步了很多, 已答應媽媽三年級會繼續努力的.
~ 中文 | 84.1 | 分 |
~ 英文 | 72.5 | 分 |
~ 數學 | 66.4 | 分 |
~ 常識 | 86 | 分 |
~ 英文科學 | 92 | 分 |
~ 聖經 | 89 | 分 |
~ 普通話 | 93 | 分 |
~ 音樂 | 92 | 分 |
~ 體育 | 94 | 分 |
~ 視覺藝術 | 91.3 | 分 |
|
|
|
總平均分 | 81.7 | 分 |
原本今個暑假去加拿大探望加姨丈和加姨媽, 但因為仍未訂到免費機票, 唯有更改明年吧. 媽媽幫我安排了很多我喜愛的暑期興趣班, 今個暑假又可以玩個痛快啦 ! 多謝媽媽 
由 4 月 5 號至 18 號都是復活節假期, 日日都有不同節目, 所以真的好開心.
4 月 5 - 8 號, 爸爸媽媽天天都帶我外出玩樂, 去睇戲, 去冒險樂園, 去睇玩具展覽 , 還有大家都係第一次去打大人保齡球和去 book 場打羽毛球.
4 月 9 - 11 號, 參加了音樂農莊的"大自然小領袖"日營 :
~ 第一日去馬鞍山郊遊徑和企嶺下, 活動內容是 DIY 製作遊戲用具及超大型棋子遊戲.
~ 第二日去金紫荊/禮賓府(動植物公園)/香港仔兒童研習徑和灣仔錄音室, 活動內容是參觀, 講解關於港督府的歷史, 小 DJ 回歸答問大會及小領袖參與網頁製作.
~ 第三日去后海灣濕地, 有機農場及有機果園, 活動內容是認識紅樹林及濕地生態, 認識生產種植過程及品嚐有機新鮮水果.
~ 實在太好玩, 媽媽已答應暑假再次參加另一個六日營 ^0^ !
今天是我 8 歲生日 
今年的生日禮物雖然比往年少, 但全是我心愛的禮物, 有型仔波鞋, 有夢昧以求的 GAME BOY ( 媽媽在 Yahoo 拍賣買二手貨, $270 包主機 + 5 盒正版遊戲帶 ), 有喜愛的"May 姐姐兒童詩歌" CD, 有非常好味的晚餐和至愛的芒菓蛋糕 
今天是一個重大的日子, 咁大個女第一次獨自上台參加表演, 我參加了一級鋼琴比賽, 今早 9:15 在灣仔藝術中心舉行, 一共有 62 位參賽者, 分二場進行, 第一場編號由 1 - 32 號, 第二場編號由 33 - 62 號, 而我的編號是 33 號, 亦即是第二場的第一個出場者. 每場比賽時間用了約一小時, 所以我和媽媽在場外等了一個小時, 媽媽比我還緊張, 她去了多次廁所 
到我出場喇, 我順利地演出, 沒有彈錯音, 沒有彈得太急, 唯一沒有做的, 便是老師和媽媽多次叮嚀我上台後要用手扶著鋼琴躬身及坐好後向評判微笑. 因為我看見人人都沒有這樣做, 所以我便害怕太突出. 結果, 可能真的為此原故而未能得到第三名, 因為第三名是 34 號參賽者, 他有將手先扶著鋼琴躬身, 但沒有向評判微笑.
本身我從未想過有此成績, 所以今次能有 83 分, 我已經很滿足和很開心, 因為 ...... 彈鋼琴一向是我的弱項, 興趣亦不是太大, 但經過今次後, 我自信心大增, 亦加強我會努力學琴的決心, 希望下年 ......
PS. 第一名 : 86 分, 第二名 : 85 分, 第三名 : 84 分.
評判的評語如下 :
Musical playing with good left hand slurs.
You use your wrist well.
Very good preparation.
Good steady tempo.
今個農曆年假很短暫, 學校假期只有 8 天, 加上年初二爸爸便要出 TRIP 去美國, 所以氣氛不太濃厚. 但仍然想將一些點滴同大家分享的.
今年過年不用買年花, 因為媽媽在會所學會鎅水仙, 整了二盆直頭和二盆蟹爪頭 ( 花王叔叔幫手的 
在去年 11 月份我學寫毛筆字, 老師教我寫了很多暉春, 所以 ...... 
還有一件很重要的事情, 去年踏單車撞崩隻門牙, 在過年前已修補好, 手工真的很完美 ! 多謝妳呀 - 牙醫醫生
祝! 各位新年快樂! 身體健康 ! 心想事成 ! 步步高升 ......
在 2 月 26 號終於派發上學期成績表, 與小一成績差不多, 近來沒有太多時間寫網誌, 因為由聖誕節起有很多假期, 我和爸媽經常外出玩樂 .
~ 中文 | 81.2 | 分 |
~ 英文 | 73.8 | 分 |
~ 數學 | 85 | 分 |
~ 常識 | 99.5 | 分 |
~ 英文科學 | 91.5 | 分 |
~ 聖經 | 91 | 分 |
~ 普 通 話 | 97 | 分 |
~ 音樂 | 98 | 分 |
~ 體育 | 96 | 分 |
~ 視覺藝術 | 83.3 | 分 |
|
|
|
總平均分 | 86 | 分 |
一月七日（晴）
今天是我第一日做副班長，心情很開心。有D同學很乖，有D同學吵架。真是令我心情變得很不開心了。唉！做副班長真不容易 
Time：20：25：30
始終都係 Jonathan 係我最好的朋友
我經常同 Mummy 講很掛念你, 在上星期五我們見面後, 非常開心 Mummy 和 Aunt Emily 決定我們一齊學習畫畫, 大家又可以每個星期六見面喇 ! 期待此刻的來臨, 亦期望我倆友誼永固 !
唔知道係咪長洲的海鮮唔乾淨 
測驗成績分已出了, 不是太理想, 不過在患病中亦未至於"肥佬"已是萬幸喇 ! 真的很感激雙親沒有責備我, 多謝他們令我在愉快中學習
~ 中文科: 81 分
~ 英文科: 71 分
~ 數學科: 79 分
晚上係 “English Excel” 上完個英文 course, 外籍老師 ( Ms Price ) 寫了以下評語 : Sabrina is doing very well with her reading. I think that maybe she could benefit from moving to a higher level class as her improvement is good and she is at a higher level now than the boys. Lovely girl to teach, very hard working and willing to help the others.
所以我會轉高一級, 與二年級和四年級的同學一起上課. 總算沒有白費時間和心機,我曾經同 Mummy 講, 希望能學好及會說流利的英語, 我會繼續努力的
一連五天的測驗都在耳痛=外耳炎中渡過, Mummy 答應過在最後一天測驗完結後當日去冒險樂園玩. 我最愛是"打保齡球"和玩"碰碰車", 由我駕駛碰碰車, Mummy 做乘客, 我不知道何解會懂得控制"碰碰車"的方向, 因為 Mummy 至今亦未學會呢
自從上次去完大嶼山後, 已計劃在 10 月 30 號重陽節公眾假期當日去長洲踏單車和食海鮮. 今早八時鬧鐘一響,我便立即起床梳洗, 然後叫醒爸,媽起床. 我們去了黃埔"美心快餐"食早餐, 最後飲水時, 一不小心整杯水打翻在身上, 弄濕了半條褲, 唯有回家更換衣服. 由於錯過了尖沙咀十時開往長洲的船, 只好改為由尖沙咀坐船到中環, 再由中環坐船去長洲, 船程大約 45 分鐘. 到步後我們再坐 10 分鐘街島船往"張保仔洞"參觀, Daddy 話張保仔是一名海盜, 百幾年前曾將很多金銀珠寶藏在洞中, 我們決定出發去尋寶. 嘩 ! 條路好高好斜, 行了很久才到達. 看見有一個小哥哥在洞 口前向遊人出租電筒, HKD5.00/支. Daddy 和 Mummy 視察過洞口很狹窄, 不容易進去, 打算只在洞口前影張相片當作到此一遊, 但我又怎會錯過此大好機會呢! 話唔定裡面有好多好多金銀珠寶呀, 加上好奇心驅使下, 真的想看看洞內的情況, 一來又可以留念, 二來長大後, 可以同其他人講我曾經進入過此洞. HeHe, 原來Daddy 和 Mummy 從未入過去的, 而 Mummy 更是第一次來此洞, 咁難得的機會, 於是三個人決定租了一支電筒一齊入去 ...... 好黑呀 ...... 幸好有條鐵梯扶手 ...... 裡面都幾乾爽 ...... 依 ...... 點解無金銀珠寶架? ...... 好窄呀 ...... 好焗呀 ...... 好熱呀 ...... 出洞口前只有足夠一個大人的身位闊度, 如果 Daddy 再增磅便無法穿過. 整個行程雖然只有短短數分鐘, 但我已經歷了人生第一個探險旅程. 出洞口後, 小哥哥取回電筒再租給其他人, 不過有一個笑話, 小哥哥話出洞口時會有其他人收回電筒的, 原來呢個其他人又係佢呢 
到了下午二時, 我非常心急及期待盡快去踏單車, 但我們先要去醫肚子. 三時才去租單車, 費用是 HK25.00/三小時, Daddy 好利害, 還價 HK20.00/三小時. 我們很開心和興奮地踏了二小時, 然後去了海灘走了走, 六時去食海鮮, 因為不知道那一間才美味 ? 我們選了近碼頭的一間, 感覺大嶼山的海鮮好味一點, 但我仍吃得很飽. 一切都不重要, 因為 ...... 可以一家人去玩樂是多麼美好啊 !
我們坐七時半的船離開長洲, 九時半才回到家, 你們估吓第一時間我會做什麼 ? 叫 Mummy 煮了一個出前一丁杯麵給我食, 好好味呀 ( 我一次食杯麵咋 ) ! 十時洗澡後 Mummy 又幫我按摩雙腳, 因為實在太疲累喇 !
上星期六 ( 9/9 ) Daddy 當晚要坐夜機出 Trip去 L.A. , 晚上一家人去了黃埔“元氣”食壽司. Daddy 當晚答應出 Trip 回來的星期日去沙田踏單車.
今早 6:45 am 已醒來, 問 Mummy 今天是否真的可以去踏單車 ? 她說 OK ! 不過而家太早, 九點才起床吧 ! 但我已瞓唔著, 躺在床上靜靜等候九點的來臨. 終於九點喇 ! 我們先去 ”大家樂”食早餐, 可能太興奮, 只食了半份早餐後已吃不下餘下的.
我們搭火車到達大圍已經 11: 30a m. Daddy, Mummy 已有 10 多年未去過此處租單車, 落車後發現租單車的地方已是面目全非 L , 他們到處尋找一個大圍單車公園, 原來此地方已於 2001 年關閉. 我們必須進入單車徑, 沿途是à沙田à馬料水à吐露港à大埔. 租單車的哥哥話我們不可能完成整個行程. 因為今天都幾晒, 加上我是剛剛學會踏單車. Daddy帶頭, 我在中間, Mummy尾隨. 最後, 我們竟然戰勝一切, 沿途風景優美, 空氣清新, 用了二個多小時完成. Mummy覺得好疲倦, 打算在大埔交還單車 ! 但我和Daddy 都想再次回頭返大圍才交車. 於是在回程時先在途中的 “香港科學園” 內之”大家樂”食午餐.
其實沿途都有幾處危險地, 特別是有二條隧道位, 內有一條長長的斜坡路. 可能因為在去程時大家都能順利通過, 引致我沒有危機感. 加上好勝的我, 沒有將 Daddy, Mummy 的勸告放在心上. 或許 Mummy 講得啱, 我很像她, 每樣事都希望自己去經歷後領悟真理/道理. 回程時由我帶頭 ( Mummy 講過唔好, 但我堅持 ), Daddy在中間, Mummy尾隨. 先經過大埔第一條隧道位, 順利完成, 預備準入第二條隧道位, 就在落斜位, 我開始失去平衡, 切線去了對頭線, 單車先撞落牆壁, 然後右邊頭部/面部和膝蓋繼而著地, 我捲曲身體, 因為右膝蓋好痛, 右邊口角好痛, 我感覺右邊門牙應該崩了 ( 之前左邊門牙游水時亦撞崩了少許 ), Oh ! 係恆齒來的呢 !
我聽見 Mummy 大聲叫喚 ! 實在太痛了, 亦終於知道什麼是驚恐! 我哭了出來, Daddy, Mummy 立時抬我在一旁, 用冰水洗去面上的血和凝固口唇上的血, 清洗膝蓋上的傷口, 我仍然不停哭, 擔心有事, 問了幾次 Mummy 係咪真架 ? 我係咪真係發生意外 ? 門牙崩了點算 ? 他們沒有責備我的自負, 話牙齒可以修補 ( 原來姨媽一對門牙都係假的呢! ), 面部有疤痕第時可以整容改善, 而最重要是沒有生命危險. Mummy 緊握我雙手為我祈禱, 求神舒緩我的痛楚, 不會有任何內傷發生, 鎮靜大家的心. 我心情得到平靜. 多謝 Mummy 的禱告 J
因為我們仍然處於隧道內的危險位, 一定要先盡快離開此處. 我坐在單車上, Daddy 推我去隧道口, 另一宗意外亦在此時發生, 在面前的隧道口有一位約四歲的小女孩同樣因失平衡衝去牆壁, 他們是一家四口, 好彩小女孩不是太傷 ! Mummy 負責將兩部單車輪流推往隧道出口. 幸好當時不是有太多單車在隧道內, 否則後果真的不敢想像. Daddy 建議截的士先去大先交車, 然後再送我往醫院驗傷. 但我知道只是皮外傷, 亦覺得入醫院只是發生嚴重意外才需要去. 所以堅持回家便可以了. 等了 15-20 分鐘, 才看見一輪的士, 是一個好仁慈的伯伯, 他好好人, 叫我不要哭, 因車尾箱無法放下三輛單車, Daddy將最細的單車放在後坐位便解決了.
回到家中, Mummy 用冰墊替我右邊面/唇和膝蓋消腫. 此時覺得頭部好痛, Mummy 摸了一下, 嚇了一跳, 因為起了一個乒乓球的大瘤, Daddy, Mummy 決定送我入急証室, 還 call 埋家庭醫生 - 林醫生, 如果我需要留院, 林醫生會去法國醫院應診. 林醫生話細路仔跌親如果沒有出現暈倒, 嘔吐等現象, 便不用太擔心. 佢地都係緊張大師, 加上好疼鍚我, 最終都係送我入法國醫院急証室. 頭部和膝蓋各影了2張 X 光 --- 好彩無裂痕, 大家又可以安心回家了, 不過今天花了不少費用, 合共 $1,700.00 ( 租單車 $40/每輛 , 食午餐和買水 $102, 的士費 $120 + $70, X 光費 $920, 醫生費 $180, 藥物費 $190/特強起療妥一支 + 36 粒必理痛 ).
晚上九點入房睡覺, 但決定明天不返學喇 ! 因為膝頭痛, 上唔到四樓班房! 塊面損了好醜怪 ! 明天音樂堂要吹長笛, 個咀都腫左, 吹唔到喇 
