囡囡比家用我

下午與囡囡的一段對話：

囡：媽咪呀，我想以後比 10 蚊家用妳。

我：比什麼家用呀？

囡：即係妳每個月比 60 蚊零用錢給我，以後只需要比 50蚊就夠喇！

我：嘩！好開心呀！妳好乖呀？

過了不久，我不明白為何她有此想法，於是又問她：

我：點解無啦啦話比家用我嘅？

囡：唔知呀？

我：無理由會唔知架，快D講啦！

囡：係電視教架！

我：什麼電視呀？有線兒童台？

囡：唔係呀！係 TVB 嘅 『金石良緣』呀！

我：套劇叫人比家用給家人嗎？

囡：唔係呀！

我：咁點解呀？

囡：係套劇入面個阿安（馬浚偉飾）都比家用，所以想學佢地！

我：哦原來係咁，多謝妳呀！妳真係好乖呀！

呢套劇集，一直都唔想佢睇，因為劇情實在不太適合兒童觀看，為咗呢套劇，老公亦責罵了她多次，她每次都反駁爸爸，話明白及理解劇情，經過今天，看來她吸收了一個我們從沒有留意的正面訊息。