第一次返學遲到

每天早上, 囡囡鬧鐘都是形同虛設, 由 6:30 am 一直嚮到 6:45  am, 由我過去『鬧』醒她, 然後去廁所用了 8 分鐘 (有數分鐘坐在馬桶上繼續瞓), 換衫用了 8 分鐘 (又有數分鐘坐在床邊瞓), 餘下 4 分鐘食早餐, 有時因為時間不足只飲一杯奶便落樓.

校車叔叔要求早上  7:05 在樓下等候, 但過往經驗是 7:10 am 或 7:12 am 才到達, 所以囡囡由 7:03 落樓延遲至 7:07 才落樓. 今早又慢條斯理地梳洗, 到 7:08 才落樓, 結果 ...... 校車已離去 ......

她哭著回家, 話升降機壞了, 又話好慢, 所以校車叔叔沒有等她 ...... 我話她終於得到教訓, 今天便不要上學, 她走入廁所繼續哭, 7:22 am 從廁所出來, 走入房間關掉房門話今天就不上學喇, 我話一陣校長打電話來問她為何沒有上學?  要她自己向校長解釋   ......

而爸爸亦連忙換衫打算車她回校, 問囡囡會否爭取呢次機會? 等候期間, 我同囡囡講:『 要將呢次教訓成為經驗/警惕, 諗下日後要點改善? 』, 於是 7:30 am 出門, 真係越急越狼狽, 爸爸忘記帶銀包, 內裡有駕駛執照, 有智能卡, 因此不能出停車場, 又不能在地牢坐回升降機回家, 輾轉下 7:38 am 回到家取錢包, 結果 ...... 7:55 am 才到校 ......

希望囡囡能明白, 為何爸媽經常要她準時, 做事要嚴緊, 態度要認真 ...... 一次的失誤, 牽連很多問題發生 ......