數學心得

數學 --- 能令整體名次起死回生的一科, 曾在 BK 討論區張貼過, 現放在日誌內分享補習老師教學方法:

~ 數學補充練習主力有以下二本 :

1/ 香港文教出版社:最新數學練習與測驗

2/ 策略出版社 :數學菁華練習

**首選
香港文教出版社, 次選策略出版社

~ 每次補習老師先講解不明白的地方, 之後便是操練習題.

~ 起初先做10 題, 做錯的會話比囡囡知道那題出錯. 再做另外10 題, 第三次如果仍然有錯, 唔再講那題出錯, 只講總數錯幾多題, 囡囡因為沒有提示, 要搵出錯處便需要由頭再計一次, 結果能養成小心地做.

~ 穩定 10 題全對後, 增加至20 題, 方法同上.

~ 之後的操練, 補習老師會加入一齊的, 用比賽形式進行, 每次做15-20 題, 鬥快鬥準.  **起初補習老師遷就囡囡, 務求讓囡囡多次勝出, 讓她每次充滿自信地做. 後期…… 囡囡已真正超越補習老師, 達到快而準.

                                 

p.s.

~ 操題目約30~45 分鐘, 講解唔明白的地方約15 分鐘. 盡量控制不超出一小時. ~ 囡囡每星期只補一日, 每堂1-1/2 小時, 一小時補數, 半小時做中文閱讀理解.