五級樂理試 Part 1

又係五級樂理試，囡囡從未如此困擾過，早在二個星期前，囡囡又問我點解要考五級樂理試？ 係咪一定要考？ 一定要考長笛六級或以上嗎？ 點解唔可以好似興趣班咁學？ 點解隔離個同學可以唔使考？點解。。。。。。媽咪，我真係唔想考，因為好深，好難明呀，我無信心合格呀！。。。。。。

本來打算明年 10 月考長笛六級，便需要2 月7號五級樂理試合格，否則便需要順延。。。。。。 因為囡囡上堂表現好像從沒有學過，所以老師已安排每個星期上多一堂，上星期日，囡囡仍未將功課完成，所以此堂取消，老師打電話來查問缺課原因，順便了解囡囡的情況，終於在星期三，經商量後，決定將考試時間改為 6 月份，原本老師想 10 月份的，但我唔想長笛六級試太遲考，否則又會浪費時間與金錢。但老師要求囡囡一定要用心學，因為老師所教的學生全是一次過合格，唔想由囡囡破例。老師話今次是從頭學過，所以連我都會學識，如果到時我真係識，我都會報考，看看是否仍然寶刀未老 ^0^！

下星期同長笛阿 Sir 商量一下，看看是否改為考 5 級，7級和8級。等囡囡 keep住年年有試考，等佢唔好疏懶。