秘密溫習 Part 1

表姐為了應付大學考試， 足足有一個月沒有來幫囡囡補習，而我亦同囡囡講，表姐大學生活好忙， 不要再依賴表姐， 日後的測驗和考試要靠自己， 我亦沒有幫她溫書，連默書亦不會幫她預默，相信好快她能夠靠自己。

今天放學一入家門，我預先炮製好『煎芝士三文治』，用了昨天『蘇 Good 小學生下廚記』方法整的 http://tv.tvb.com/food/sogood/6246 ，她食得好滋味，明天又話要食多次，不過我打算明天由她親自開火煮 。

話說上次英文 Quiz 有 70 分 (填生字不供字頭 52/80 分； Phonics 18/20 分) ，今日食完個美味茶點後，便叫我估佢今次Quiz 有幾多分？我估了三次才答中，是 81 分 ( 填生字有供字頭15/28 分； Verb 20/24 分； Prepositions 28/28 分； Phonics 18/20 分 )，明顯是她努力的成果，因為近來爸爸經常掛在口邊的說話是：『金融風暴，如果被炒魷，要轉去津校讀；如果要留班，又會轉去津校讀；如果。。。就會轉去津校讀。。。囡囡終於聽得入耳，決心勤力讀書，不想轉校，所以她近來秘密溫習，秘密到連我都唔知佢係幾時溫？晚上爸爸放工回家，食完飯後便叫囡囡拿份 Quiz 給他看，爸爸讚揚她一番，不過最後個幾句說話都係：『唔好自滿呀！比心機讀書，留班就。。。』，因為爸爸平時很少讚她，雖然說話係一句砂糖，一句屎，但囡囡成晚都笑哂。

今收到表姐 email，話星期五會抽空來幫囡囡補習，我當然開心，不過我打算唔話比佢知，等佢呢二日靠自己先溫熟， 唔係佢條懶蟲又出來搵佢。