成長中的爭扎

上星期的某個晚上，我和囡囡有以下對話：

囡：Mummy，妳可否為我祈禱。

我：嗯！發生什麼事呀？

囡：妳知唔知道聖經上提及聖靈所結的果子是什麼？有幾多種？

我：有 9 種，妳會背嗎？（因為我只記得 6-7種，唔想比佢即時考起我，所以要先發制人。）

囡：加拉太書 5章22節 「聖靈所結的果子，就是仁愛、喜樂、和平、忍耐、恩慈、良善、信實、溫柔、節制。」

我：好叻喎，有什麼問題出現呀？

囡：我不能做到節制，當我想去溫習，內心便出現爭扎，最後係去攪東攪西，直至要聽見妳催逼我才會去溫習，我好唔開心呀。

我：唔通妳鍾意聽我責罵聲？

囡：（哈哈大笑！）唔係呀！

我：唔通妳鍾意見我嬲人的樣子？

囡：（又哈哈大笑！）唔係呀！

我：OK！我會每晚為著妳不能節制（自制力）代禱。

** 我心中已暗喜，囡囡知道自己的弱點而用行動去戰勝它，不是已有節制嗎？感謝神將聖靈所結的果子在她身上運行。

今早送她返英文班，途中又有以下對話：

囡：Mummy，我想好似以前咁，整番一個表格，將我每天的行動（準時起床、有刷牙、準時食飯、飯前有洗手、有溫習、早睡。。。）寫上，如果有做便在旁邊加個『tick』，行為就用『星』號/蓋印或貼紙來評分。

我：當然無問題喇，呢個係 K2 – K3 時做過的，難得妳想再做，真係好喇，不過表格由妳設計，親自用 EXCEL 表一手一脚做，可以嗎？

囡：好呀，我識用 EXCEL 做表格呀。

我：不過要考試完才可以做。。。。。。

** 看見她行為上不斷成長，亦開始計劃將來，我真的很開心和感動，希望聖靈在妳身上所種下的果子能完全發揮出來。