歌不離口

一向都覺得囡囡有唱歌的天份, 但一直她只找我做她的觀眾, 連爸爸都不給予機會做其粉絲.

回憶囡囡出世後, 每天一有時間便跟她說話, 不理會她是否明白, 可能呢個方法真係好有效, 在七個月大時, 她便開始牙牙學語, 翻查日記, 原來 7個月大時已會說打打/奶奶等字, 嘩, 好利害呀 , 9 個月時已會講爸爸, 然後媽媽, 13 個月大會說公公, 婆婆, 好呀......, 17 個月大時已掌握到說雙音字,例如姨丈,表哥,食粥 ...... 等等.

細細個睇完 D 電視劇數次後便會哼出該劇集的主題曲, 但我沒有給妳聲樂方面學習, 反而引導妳去學彈琴 ( 升 P3 後放棄了, 因為沒有時間去練琴) , 唱長笛 ( 因為學校指定要學一種樂器 ). 開學不久, 學校需要挑選 P3 生加入合唱團為學校出賽, 過去妳一直都沒有參予, 今年我鼓勵妳參加, 結果順利加入 ( 可能參予的人數唔多, 只要參予便會取錄 ), 妳每天亦因此而歌不離口, 除了進食和睡覺外, 妳都不會放過任何時刻, 包括做功課時, 補習時, 坐車時, 洗澡時 ......

昨天, 妳唱出一段獨唱的段落, 問我好唔好聽 ? 我話好好呀, 老師選了妳嗎 ? 她有點失落的表情回答 : 「老師話只有參加過唱歌組才有呢個機會.」哈哈 ! 阿囡, 看來明年又多一樣興趣班喎, 我的荷包又 ......