另類獎勵

早幾回提及在我家中，只有乖的孩子才可以幫忙洗碗, 掃地, 掛衣服 ......等家務，但有一種要好乖好乖才可以做的 --- 煮飯。

囡囡今天上完合唱後回家已是五點多，她步入家中已高呼已在學校做完功課，今晚可以提早自由時間，我答應，並讚了她幾句，順便問她會否接受特別獎勵，她已估中及即時擁抱著我高呼多謝 Mummy，哈哈！應該是由我說多謝 + 唔該呀才對麻 。

她為了証明是好乖好乖，在我不用催促的情況下，自行去練長笛，收拾書包。。。然後懷著興奮的心情走入廚房做我的助手仔。之前已學會洗米及量水、攪勻雞蛋，今次教她浸菜（韭菜花）、洗菜 + 拿刀切菜，她拿著刀時開心到笑出來，而我看見她認真及好學的樣子亦從心底笑了。戲玉是教她開煤氣爐，順便講解怎樣開爐才是安全，怎樣又會有危險，D 火走出煲邊又會浪費 。。。大家在笑聲中完成，今晚她的食量比平時為多，我在飯後學她每晚都對我講的說話：「寶貝女，多謝妳為我煮上美好的一頓飯，好好味呀！」

無論大人還是小孩都有好奇心，所以當囡囡問呢 D個D 時，都盡量一一解答她，在許可的情況下還會給她嘗試下，避免她隱瞞我自己去探討反而更危險。她在三四歲左右已經懂得操作 CD/VCD 機，自己開機睇碟，之後又學會錄影電視、預較錄影，開洗衣機 。。。等，近來改為研究車內的功能，收音機、冷氣操作她比我還熟識，佢話一夠年齡便會去學車，載我們兩老到處去，阿囡，係先好講呀，唔好呃我呀 。